Құйрығы жоқ, жалы жоқ қазақ тілі қайда барып күн көрер

БІЗ ЖАҚТА ОНДАЙ СӨЗ ЖОҚ...

Наурыз көже пісіретін болып ет салып қойғанмын. Пісті-ау дегенде қызыма:

- Етті түсіріп алшы, - дедім.

Телефонын ұстап жүгіріп келді де күліп:

- Суретке түсір деген шығар десем, - дейді.

“Дұрыстап айтпайсыз ба?” демегеніне шүкір десем де келесі буын: “етті түсір” деген сөз жоқ” деп қызылкеңірдек айтысып, “Көрісудің” керін келтірмес пе екен деп ойланып қалдым.

Кітап оқымайтындардың өз логикасымен бәтуа шығара беретін еркіндігі бар, қате жазғандарға күлмеңдер деген президенттің ескертуі бар, “құйрығы жоқ, жалы жоқ” қазақ тілі қайда барып күн көрер деп, зар заманның ойлары қамап жатыр...

Сараш Қоңырбаева

Фейсбуктегі парақшасынан