Алашты алаңдатқан сауал

Қайрат ЖОЛДЫБАЙҰЛЫ, Қазақстан мұсылмандары діни басқармасының аппарат басшысы:

– Діни ағымдардың қоғамға қауіп төндіретіні рас. Сондықтан мем­ле­кетіміз осы мәселеге қатысты заңды тез арада қатайтып, діни басқарманың мәртебесінің көтерілуіне күш салуы керек. Қит етсе, «дін мемлекеттен бө­лек» деген сөзді алға тартамыз. Батыстың кейбір елдерінде «дін мемлекеттен бөлек» дегенмен, дінге кәдімгідей мән беріледі. Мемлекет қаржылай кө­мек­теседі. Ал бізде қаржылық жағынан мүлдем қолдау жоқ. Дәл қазіргі таң­да еліміздегі діни басқарманың мәртебесі құқықтық тұрғыдан иегова куә­герлерінің мәртебесімен бірдей. Осы орайда жаңа заң қабылдап, діни бас­қарманың қызметіне құқықтық басымдық беру жағын қарастыруымыз қа­жет. ХІІ ғасырдан бері мұсылман болып келе жатқан халықтың тарихи діні мен кеше ғана есігімізден сыналап енген иегова дінінің дәрежесі неге бір­дей болуы керек?! Бұл – әділетсіздік. Сондықтан жаңадан енген ағым­дар­дың бәріне төтеп бере алатындай жаңа заңды тез арада қабылдауымыз қа­­жет. Олай етпеген жағдайда, ертең елімізде «бөліп ал да, билей бер» қа­ғидасы орнауы әбден мүмкін. Яғни осылайша қоғамда іріткі пайда бо­ла­ды. Дін үлкен идеология ғана емес, ол – мемлекет біртұтастығының кепілі. Сондықтан мемлекет тарапынан оған мән берілгені жөн.





Шалатай МЫРЗАХМЕТОВ, Мәжіліс депутаты:

– Парламент Мәжілісінде дінге қатысты заңға өзгерістер енгізіліп, онда сырттан келетін діни ағымдарға тосқауылдың қажеттігі осыдан бір-екі жыл бұрын сөз болып, тоқтап қалған еді. Бүгінде қалай болсын, осы өзгерістердің қажеттілігі білініп отыр. Жалпы кез келген халыққа «мына діннің жетегіне ерме» деп тыйым сала алмаймыз. Әркім ата-бабасынан бері келе жатқан, жылдар бойына қалыптасқан дінін ұстануына құқылы. Мейлі, ол православ немесе католик, тіпті христиан болса да. Алайда кейінгі кездері пайда болған «әскерге баруға болмайды немесе атаны сыйлауға болмайды» деген секілді қағидаларды ұстанған діни ағымдар біздің өмірімізге мүлдем кереғар. Еліміздегі негізгі ұлт қазақ халқы болған­дықтан, халқымыздың ұлттық әдет-ғұрып, адами ұстаным­дары басқа ұлттарға өнеге болуы керек. Ал ұлтымыздың тұр­мыс-салтына кедергі келтіретін әлгіндей діни ағымдардың әре­кетіне тез арада тосқауыл қойылуы қажет.





Мұртаза БҰЛҰТАЙ, дінтанушы:

– Мемлекетіміз аяғынан енді тұрып келе жатқан жас мемлекет болған­дықтан, етек-жеңін жинап, ұлттық тұтастығымызды сақтап қалуға ұмтылуымыз керек. Қазір біз есік-тереземізді еркін ашып тастадық. Сырттан келіп жатқан түрлі діни ағымдарда есеп жоқ. Олар елімізге келіп алып, білгенін істеп жатыр. Осыған қарамастан, осынау бетімен кеткен діни ағымдарға елімізде ешқандай бақылау жоқ. Осы орайда Қазақстан өзге діни ұйымдардың өз мақсаттарын орындап, қанаттарын кең жаюы үшін ең қолайлы мемлекет болып отыр деуге де болады. Сондықтан еліміздің азаматтары түрлі ағым­дардың жетегінде кетіп жатыр. Тіпті діни ағымдар аза­маттарымызды өзара бөліп алды. Бұл ұлттық тұтастыққа, мем­ле­кеттің ішкі қауіпсіздігіне орасан зор қауіп төндіріп отыр. Егер ал­дын алмасақ, алдағы уақытта оның қауіптілігі тіпті арта түседі. Сон­дықтан тез арада жедел шараларды қолға алуымыз қажет.

Автор: Қуаныш ӘБІЛДӘҚЫЗЫ

• Блогқа енгізу
• Басып шығару
• Хат жазу

Жабу

Блогқа арналған код

<div style="position: relative; width: 312px; margin: 0; padding: 30px 14px 14px 14px; font: 12px/16px Georgia, Times New Roman, serif; color:#333333; text-align: left; border: 1px solid #CCCCCC; background: #FCFCFC;"> <img src="http://www.alashainasy.kz/static/i/logo.png" style="display: block; margin: 0; border: 0 none; position: absolute; top: 11px; left: 14px; width: 126px; height: 30px;" /> <div style="margin: 0 0 9px 0; padding: 0; font: 11px/12px Arial, Tahoma, Helvetica; color:#7F7F7F; text-align: right; ">бейсенбі, 09.09.2010</div> <a href="http://www.alashainasy.kz/qwestions/12078/" style="display: block; color:#0D4E7B; text-decoration: none;">Діни ағымдардың көбейіп кетуі қоғамға іріткі салып жүрмей ме?</a> </div>

• Барлық бөлім «Алашты алаңдатқан сауал»
• Басып шығару нұсқасы
• Негізгі бетке