Алашты алаңдатқан сауал

Төлеген ОСПАНОВ, қазақ тіліндегі төл оқулықтардың және жаңа буын оқулықтарының авторы:

– Еліміздегі оқулық жазу ісіне шетелдік ғалымдар мен сарапшыларды араластыруды қолдамаймын. Өзімізде де қаншама тәжірибелі ғылым докторлары мен академиктер бар. Неге соларды пайдаланбасқа?! Өз басым еліміздегі басылып шығатын оқулық авторының да, сарапшысының да өзімізден болғанын дұрыс санаймын. Себебі оқулық білім көзі ғана емес, тәрбие құралы. Оған өте үлкен жауапкершілік қажет. Ал біз қалайша ұлттық тәрбие құралын өзгенің қолына сеніп тапсыра аламыз?! Біз ең алдымен, тәуелсіз ел бола тұра оқулығымызды әркімге жаздыртуға намыстануымыз керек. Сарапшыны шетелден шақыртатындай өз елімізде сауатты, әділетті сарапшы табылмағаны ма?! Жалпы, шетелден ғалым мен сарапшы алдыртқанда оқулықтың сапасы түзеліп кете қояды деп ойламаймын. Қазір оқулыққа жөн-жосықсыз сын айтылып кетті. Біз мектепте оқып жүргенде де оқулықтарда қателіктер кездесіп, жиі-жиі қайта басылып шығып жататын және әр басылған сайын «өңделіп, жетілген нұсқасы» деп жазылатын. Қаншама жылдық тәжірибесі бар Кеңес Одағы кезінде солай болатын, ал кітап жазу ісімен енді бастап айналысып жатқан еліміздегі тиісті орындарды сын садағына іліктіре беру орынсыз секілді. Бүгінде осындай жөнсіз сынаудың әсерінен кітап жазу ісіне өзгелер араласайын деп отыр.





Мұрат ЖҰРЫНОВ, ҚР Ұлттық ғылым академиясының президенті, академик:

– Білім және ғылым министрі Жансейіт Түймебаев мырзаның оқулық жазу ісіне шетелден ғалымдар мен сарапшылар шақырту туралы ұсынысынан хабардармын. Айта кетер жайт: бұл – оқулық жазу ісін түбірімен шетелдіктердің қолына беріп қою деген сөз емес. Шетелдік ғалымдар оқулықтарды біздің ғалымдарымызбен бірлесе отырып жазып шығады. Сондай-ақ ЖОО-да оқытылуы тиіс, алайда біздің елімізде әлі дұрыс жетіле қоймаған кейбір ғылымдарды бірлесе жазу тапсырылуда. Яғни оқулық жазуға бізде жетіспейтін мамандарды ғана тарту көзделуде.





Ғарифолла ЕСІМ, Сенат депутаты:

– Бұл мүлдем дұрыс емес. Кеңес Одағы кезінде онсыз да 70 жыл бойына өзгенің жазған оқулығын оқып келдік. Ал енді Тәуелсіздікке қол жеткізген тұста тағы да өзгеге иек арту жөн емес. Бүгінгі күні оқулық жаза алатындай мамандар өзімізде де жеткілікті. Оқулық жазу ісінде өзгемен тәжірибе алмасуға болады, ал оларды белсене араластырудың мүлдем қажеті жоқ. Әр елдің өзіндік дүниетанымы, болмысы болады. Ал оны өзге елдің ғалымы қайдан білсін?! Тіпті өзге елдің ғалымының жазған кітабын оқып отырған баламыз ұлттық ерекшеліктерінен айырылып қалмай ма?! Өзге елдің ғалымы біздің жазған кітаптарымызға сарапшы да бола алмайды. Бір кездері малды өсіргеннен гөрі, етті сырттан сатып алған тиімді деп, мал бағатын адамымыздан айырылып қалып едік, енді оқулық жазуды шетелдік ғалымдарға сеніп тапсырып, өзіміздің ғалымдарымыздан айырылып қалмаймыз ба деп қорқамын.

Автор: Қуаныш ӘБІЛДӘҚЫЗЫ

• Блогқа енгізу
• Басып шығару
• Хат жазу

Жабу

Блогқа арналған код

<div style="position: relative; width: 312px; margin: 0; padding: 30px 14px 14px 14px; font: 12px/16px Georgia, Times New Roman, serif; color:#333333; text-align: left; border: 1px solid #CCCCCC; background: #FCFCFC;"> <img src="http://www.alashainasy.kz/static/i/logo.png" style="display: block; margin: 0; border: 0 none; position: absolute; top: 11px; left: 14px; width: 126px; height: 30px;" /> <div style="margin: 0 0 9px 0; padding: 0; font: 11px/12px Arial, Tahoma, Helvetica; color:#7F7F7F; text-align: right; ">сәрсенбі, 01.09.2010</div> <a href="http://www.alashainasy.kz/qwestions/11695/" style="display: block; color:#0D4E7B; text-decoration: none;">Оқулық жазуға шетелдік ғалымдар мен сарапшыларды тарту қаншалықты негізді?</a> </div>

• Барлық бөлім «Алашты алаңдатқан сауал»
• Басып шығару нұсқасы
• Негізгі бетке