Саяси бюро

Танымал тэгтер: , , , , ,

АҚШ-та ұсталған қазақстандық студент уақытша босады

0 272

АҚШ-та жас қыздарды «жыныстық қатынасқа итермеледі» деген күдікпен ұсталған Қазақстан азаматы кепілмен бостандыққа шықты. Мұны кеше Астанада СІМ-де өткен брифингте ведомствоның баспасөз хатшысы Ілияс Омаров хабарлады.

Естеріңізге сала кетейік, осыдан біраз бұрын АҚШ-та кәмелеттік жасқа толмаған қыздарға «жөнсіз тиісті» деген күдікпен еліміздің азаматы Жандос Бақытбекұлы ұсталған болатын. 20 жастағы студент Ж.Бақытбекұлы Нью-Йорк штатының Лейк Джордж қаласында Magic Forest (Сиқырлы орман) аттракционында тұтқынға алынған. Ол шамамен 1,5 ай бұрын Work and Travel интернет-бағдарламасы желісі бойынша АҚШ-қа аттанғаны белгілі болды. Қазіргі уақытта бұл мәселе Нью-Йорктегі Қазақстанның Бас консулдығының бақылауына алынды. Ұсталған азамат кінәсінің бір бөлігін мойындағанға ұқсайды. Алайда сот отырысы әлі жалғасады.

«Бұған дейін, яғни қыркүйектің 2-сінде Лейк Джордж қалалық сотының бірінші отырысы өтіп, қазақстандық азамат 1 мың 500 доллар сомасында қаражатты кепілдікке қойып, бостандыққа шықты. Енді ол қыркүйектің 30-ына белгіленген соттың кезекті отырысын күтуде», – деді І.Омаров.

Қытайда жол апатына ұшыраған қазақстандықтар өтемақы алады

Сондай-ақ өткен аптада Қытайдың Үрімші қаласынан Сиань қаласына бет алған жолаушылар автобусы аударылып, ондағы 48 азаматтың 15-і қазақстандықтар екендігі анықталған еді.

Жол-көлік оқиғасы салдарынан төрт қазақстандық ауруханаға түскен болатын. «Қазіргі күні олардың үшеуі ауруханадан шығарылып, біреуі әлі де ем-дом қабылдап жатыр. 3-4 күннің аясында оның емі де аяқталып қалуы мүмкін. Дәл қазіргі уақытта біздің азаматтарымызға өтемақы төлеу мәселесі де қарастырылуда. Бұл өтемақының мөлшері де әрбір азаматтың алған жарақатына қарай беріледі», – деді І.Омаров.

Автор: Қанат Қазы