Нарық

Кім бұрын келді?

Жолдауға ерте келген депутаттардың бірі Нұрғали Әшім болды. Баяғы қоршаған ортаны қорғау министрі. Ерте келгенін қайтейік, депутаттық төсбелгісін ұмытып кетіпті. Тура Парламентке келгенде ғана есіне түсті. Соған қарағанда, министрліктің креслосын қимай жүрген тәрізді. Әйтпесе бұл төсбелгіге қолы жетпей жүргендер қаншама! Сондықтан оған қолы жет­кендер V шақырылымның ашылуында-ақ ант қабылдай сала, залдан шыға кеудесіне жарқыратып тағып алды.

Депутаттық төсбелгі және партияға адалдық

Парламент Мәжілісінің депутаты, Қазақстан халықтық коммунистік пар­тиясының хатшысы Жамбыл Ахметбеков: «Мен үшін депутаттық төсбелгіні омы­рауыма тағу – үлкен бедел, зор абырой. Өйткені бұл – халықтың алдындағы жауапкершіліктің өскені. Мен партиялық төсбелгіні депутаттыққа айырбастаған жоқпын, екеуі қатар жүреді. Тек қызыл төсбелгі (партиялық төсбелгі) менің жүрегімде болады», – деп сессияның ашылуында көкірегін ерекше шабыт кернеп, мақтан тұта сөйлегені бәріміздің есімізде қалып еді. Бұл жолы Жамбыл Ахметбековтің де, ҚХКП төрағасы Вла­дислав Косаревтің де, өзге коммунистердің де омырауынан депутаттық төсбелгімен қатар тұрған жұлдызшаны көрмедік. Соған қарағанда, коммунистеріміз қызыл төсбелгілерін жүректерінің «тұңғиығына» жіберген тәрізді.

Ал «ақжолдықтардың» жөні мүлде бө­лек болды. Парламент Мәжілісінің депу­таты, «Ақ жол» партиясының төрағасы Азат Перуашев депутаттық төсбелгісінің төменгі жағына партиясының да төсбелгісін тағып алыпты. «Ақжолдықтар» партиясына беріл­гендіктерін осылай дәлелдегісі келгендей көрінді бізге.

Парламент қойнауында адаспас үшін ағалардың болғаны қандай жақсы!

Ауған соғысының ардагері, депутаттық мандатты алғаш рет қолына ұстап тұрған Бақытбек Смағұл «Парламенттің ішінен адасып қалмайын» деп,  Халық Қаһарманы Бақытжан Ертаев пен республикалық гвардияның бұрынғы қолбасшысы Абай Тасболатовтың қыр соңынан қалмай, асығып бара жатты...

Алтыншаш апайымыз келіпті, ал ЖСДП көрінбеді...

«Руханият» партиясын орта жолда сүріндіріп, аяқтан шалған Алтыншаш Жаға­нова апайымыз да шашын «алтын­датып», Жолдауды тыңдауға келіпті. Оның есесіне өзге партиялардың мүшелері көзге шалын­бады. «Азаттың», ЖСДП-ның, «Әділет» партиясының өкілдерін Парла­менттен байқамадық...

Қосақтасып-қолтықтасып келгендер де болды. Мәселен, Маңғыстау облысының әкімі, экс-депутат Бауыржан Мұхамеджанов бұрынғы әріптесі Ерлан Нығматуллинді «қолтықтап» кірді. Мұнайдың «майын ішіп жүрген» мұнай және газ министрі Сауат Мың­баев пен Тимур Құлыбаев бірге кел­ді.

Қызық болғанда, бұрынғы Қаржы поли­циясының төрағасы Қайрат Қожам­жаровтың соңынан креслосына жайғасқан Рашид Түсіпбеков ілесе келсе, Мәжіліс спикері Нұрлан Нығматулиннің артынан оған орнын «ұсынған» Орал Мұхамеджанов кірді.

Міне, Жолдауға бара жатып, жолай аңғарғандарымыз осы болды.

Автор: Салтан СӘКЕН

• Блогқа енгізу
• Басып шығару
• Хат жазу

Жабу

Блогқа арналған код

<div style="position: relative; width: 312px; margin: 0; padding: 30px 14px 14px 14px; font: 12px/16px Georgia, Times New Roman, serif; color:#333333; text-align: left; border: 1px solid #CCCCCC; background: #FCFCFC;"> <img src="http://www.alashainasy.kz/static/i/logo.png" style="display: block; margin: 0; border: 0 none; position: absolute; top: 11px; left: 14px; width: 126px; height: 30px;" /> <div style="margin: 0 0 9px 0; padding: 0; font: 11px/12px Arial, Tahoma, Helvetica; color:#7F7F7F; text-align: right; ">сенбі, 28.01.2012</div> <img src="http://www.alashainasy.kz/userdata/8a8cce7738c9428bb1aaf5db6d002ece.jpg" style="border: 0 none; margin: 0 0 9px 0; display: block;" /> <a href="http://www.alashainasy.kz/economica/30793/" style="display: block; color:#0D4E7B; text-decoration: none;">Жолдауға бара жатып, жолай аңғарғандарымыз</a> </div>

• Барлық бөлім «Нарық»
• Басып шығару нұсқасы
• Негізгі бетке