Әзіл-шын аралас

Танымал тэгтер: Әзіл

Әзіл-шыны аралас

0 394

Спорт жаңалықтарынан:

• Кеше Қазақстан құрама командасының ойыншылары бір топ жанкүйерлерімен қақтығысып қалды. Футболшылар бұл жолы жеңіске қол жеткізді.

***

• Футболдан ұлттық құраманың бас бапкері Бернд Шторк Түркиямен болған ойында оңбай ұтылғаннан соң, Қазақстандағы неміс диаспорасынан жаңа команда жасақтауға кірісті.

***

• Соңғы уақытта жергілікті компаниялар Қазақстан футболын қаржыландыруға кірісті. Өйткені «жылжымайтын мүлікке» ақша салу өте тиімді.

***

Мәдениет мүйісі:

• «Режиссер Ермек Тұрсыновтың түсіріп жатқан екі киносы да ешкі туралы».

• Алдағы уақытта отандық телеарналардың жанынан таңның атысынан күннің батысына дейін кәріс және түрік телехикаяларын көрсететін арнайы арна іске қосылмақ. Сондай-ақ көпшіліктің сұрауы бойынша тек қана жарнама көрсететін де арна ашылмақ.

***

Отандық ғарыш жайынан:

• «KazSat» жерсерігі өз міндетін толық атқарып шықты: оның арқасында дағдарыс кезеңінде біраз адамдар байып қалды.