Алаш-ақпарат

Қарағандыдағы балаларға арналған облыстық клиникалық ауруханада жылына 2000-нан астам балақай емделеді. Кенші­лер қаласы мен облыс жұртшылы­ғына қызмет ететін осынау көпса­ла­лы емдеу мекемесінің жеке­ле­ген ғимараттарына биыл «Жол кар­тасы» бағдарламасы бойынша 117 миллион теңге көлемінде қара­жат бөлініп отыр.



Аталмыш аурухана пайдалануға беріл­ген­нен бері өңдеу-жөндеу жұмыстарын көр­меген №3 корпус, шын мәнінде, тозығы же­тіп тұрған екен. Қазір осы ғимараттың ша­тыры жамалып, қасбеті талапқа сай өң­дел­ді. Оған қоса терезелері ауыстырылып, ау­руханаға керекті құрал-жабдықтары түген­деліп жатыр. Дей тұрғанмен, аумағы 14 мың шаршы метрді алып жатқан үлкен ғи­маратты жөндеуге бөлінген 117 миллион теңге көлеміндегі қаражат аздық ететіні ескеріліп, нысанға тағы да 120 миллион теңге қосымша бөлінбекші. Жақында ем­деу мекемесін аралап, жүргізіліп жатқан жоспарлы шаруалармен танысқан облыс басшысы ауруханада бала дүниеге келгенге дейінгі уақытта ана денсаулығын тұрақты бақылайтын перинаталдық орталық ашу керектігін баса айтты. Кетеуі кетіп тұрған ғимаратты толық жөндеу жұмыстары қарашаның басында тиянақталмақшы.

Серік АХМЕТОВ, Қарағанды облысының әкімі:

– Қазіргі таңдағы денсаулық сақтау са­ла­сындағы басты парызды міндеттердің бірі, бірегейі ана мен нәрестелер денсау­лы­ғын сақтау екені анық қой. Бұл тарапта біз осы ауруханада бала дүниеге келгенге де­йінгі уақытта ана денсаулығын тұрақты ба­қылайтын перинаталдық орталық ашуы­мыз керек деп есептейміз. Ол орталықта 200 адам бір мезетте қабылданатындай бол­уы керек. Орталық ең алдыңғы қатарлы тех­никалық құралдармен жабдықталуы ке­рек.

АЛАШ-АНЫҚТАМА:

«Жол картасы» бағдарламасы бойынша Қарағанды облысында 2010 жылға 13 миллиард 253 миллион теңге бө­лініп, 528 нысанды жөндеу жоспар­ла­нып отыр.

Қыркүйектің басындағы жағдай бо­йынша 316 нысандағы жұмыстар аяқ­талды, басқаларында жұмыстар же­лілік кестеге сай жүргізілуде.

Бағдарлама бойынша 14 253 адам жұмыспен қамтылады деп күтілуде, ал әзірше 13 598 жұмыс орны құрылды, 13 448 адам жұмыспен қамтылды, оның 9592-сі – жұмыспен қамту ор­ган­­дарының жолдамасы бойынша кел­гендер.

«Жол картасы» шеңберінде рес­пуб­ликалық және жергілікті бюджеттің 549,4 млн теңге сома көлемінде үнем­делуі есебінен қосымша жөндеуге бо­ла­тын 88 нысанның тізбесі жасалды.

Автор: Серік САҒЫНТАЙ, Қарағанды

• Блогқа енгізу
• Басып шығару
• Хат жазу

Жабу

Блогқа арналған код

<div style="position: relative; width: 312px; margin: 0; padding: 30px 14px 14px 14px; font: 12px/16px Georgia, Times New Roman, serif; color:#333333; text-align: left; border: 1px solid #CCCCCC; background: #FCFCFC;"> <img src="http://www.alashainasy.kz/static/i/logo.png" style="display: block; margin: 0; border: 0 none; position: absolute; top: 11px; left: 14px; width: 126px; height: 30px;" /> <div style="margin: 0 0 9px 0; padding: 0; font: 11px/12px Arial, Tahoma, Helvetica; color:#7F7F7F; text-align: right; ">бейсенбі, 09.09.2010</div> <a href="http://www.alashainasy.kz/alash/12079/" style="display: block; color:#0D4E7B; text-decoration: none;">Балақайлар ауруханасы басты назарда болады</a> </div>

• Барлық бөлім «Алаш-ақпарат»
• Басып шығару нұсқасы
• Негізгі бетке